---

LA BALILLA
di Italo Corrias (anni '30)

[C G7]
Vurì savè el mestee che fu mi
el me laurà l’cumincia a mesdì.
vendi lisciva soda e saun
l’acqua bugada col motofurgun
col motofurgun
Mí voo in gir de chí e de là
mí voo in gir a lavorà
hoo faa ona pigna de cart de milla
m'è vegnuu in ment de compraa ona balilla
e la surpresa dei mè fradej
che m'hann mangiaa anca i budej
mia cusina che la sta in via Larga
la m'ha mangià anca la targa
La mia zia de Gurgonzoeula
cont i gòmm l'ha faa la cazzoeula
el mè nònno ch'el gh'ha l'angina
l'ha cíappàa la ciòcca con la benzina
La Maria che sta in la mia pòrta
la m'ha mangiaa la roeuda de scòrta
el todesch dislifen e slofen
el m'ha mangiaa in d'on boccon tutt el cofen
La mi zia de la ringhera
l'ha già digerì anca una purtera
El Carletto stupidòtt
el s'è faa on vestii cont la capòtt
L'unic che l'è restà fregà
l'è un me cusin che l'era suldà
l'è turnà a ca e l'ha truvà sulament
el fum de tubu de scapament
Mi vu in gir de chi e de là
Mi vu in gir per laurà
Troevi tanti bigliett de mila
ma cumpri pu un’altra Balila
ma cumpri pu un’altra Balila
ma cumpri pu un’altra Balila